• 05 12, 2024

"Tabiat madhiyasi" (musiqa va matni uchun) tanlovi e'lon qilindi

Ekologiya, atrof-muhitni muhofaza qilish va iqlim o'zgarishi vazirligi, Oliy ta'lim, fan va innovatsiyalar vazirligi, Maktabgacha va maktab ta'limi vazirligi, O'zbekiston Milliy teleradiokompaniyasi va O'zbekiston Milliy axborot agentligi tomonidan "Tabiat madhiyasi" (musiqa va matni uchun) tanlovi o'tkazilmoqda.
Tanlovda respublikamizdagi barcha oliy ta'lim muassasalari, akademik litsey, kasb-hunar kollejlari va texnikumlar talabalari hamda umumta'lim maktablarning yuqori sinf o'quvchilari qatnashishi mumkin. Tanlovga topshirilayotgan arizalarga ishtirokchilarning ijodiy ishlari (MP3 formatda) biriktirilishi lozim.
Tanlov shartlari:

• she'r va musiqaning tanlov yo'nalishiga mosligi;
• mavzuning dolzarbligi va ilmiy asoslanganligi;
• matnning mantiqiy tuzilishi, ma'lumot, muallif pozitsiyasining mavjudligi;
• savodxonlik, leksik boylik, talaffuz;
• ijodkorlik (yangilik, she'r va musiqa mavzusining o'ziga xosligi).

Yakuniy natijalar yangi yil arafasida e'lon qilinib, g'oliblar diplom, statuetka va pul mukofoti bilan taqdirlanadi.
Bizning ijtimoiy tarmoqlar: 
                 •  telegram | •  facebook  | • instagram  |  •  youtube