• 07 11, 2024

TANLOV

Qashqadaryo viloyati yuridik texnikumida "Yilning eng faol o'quvchisi" tanlovining texnikum bosqichi bo'lib o'tadi.
Mazkur tanlov jamiyatga, davlatga yetuk yosh, raqobatbardosh kadrlarni yetishtirib berish, yoshlarni vatanparvarlik ruhida tarbiyalash, intellektual salohiyatini oshirish maqsadida tashkil etilmoqda.
Tanlovda texnikumning 2-bosqichida ta'lim olayotgan o'quvchilar ishtirok etishlari mumkin. Ko'rik-tanlov 5 ta nominatsiya bo'yicha o'tkaziladi:

• "Yilning eng bilimdon o'quvchisi";
• "Yilning eng faol targ'ibotchi o'quvchisi";
• "Yilning eng faol ixtirochi-innovator o'quvchisi";
• "Yilning eng faol sportchi o'quvchisi";
• "Yilning eng faol iqtidorli o'quvchisi".

G'oliblar yuridik texnikum rahbariyati tomonidan diplom va esdalik sovg'alariga ega bo'lishadi.
Texnikum bosqichida 1-o'rinni egallagan o'quvchi tashkiliy qo'mita qaroriga muvofiq, tanlovning Respublika bosqichida qatnashish baxtiga muyassar bo'ladi.
Ishtirok etish istagidagi o'quvchilar joriy yil davomida nashr etilgan ijodiy ishlari, tadbirlar, tanlovlarda faxriy yorliqlar va diplomlar bilan taqdirlanganligi to'g'risidagi ma'lumotlarni 11-noyabrga qadar direktorning yoshlar bilan ishlash bo'yicha o'rinbosariga taqdim etishingiz shart.
"Yilning eng faol o'quvchisi" tanlovi to'g'risidagi nizom bilan yaqindan tanishish uchun yoshlar bilan ishlash bo'limi @m_nurullaevich murojaat qilishingiz mumkin.

• Nizom bilan batafsil tanishish uchun

Bizning ijtimoiy tarmoqlar: 
                 •  telegram | •  facebook  | • instagram  |  •  youtube