Qashqadaryo viloyati yuridik texnikumi Oʻzbekiston Respublikasi Prezidentining 2018-yil 13-apreldagi “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida” dagi  PQ–3666 son qarori bilan tashkil etilgan.

Oʻzbekiston Respublikasi Prezidentining 2020-yil 29-apreldagi “Oʻzbekiston Respublikasida yuridik taʼlim va fanni tubdan takomillashtirish boʻyicha qoʻshimcha chora-tadbirlar toʻgʻrisida”gi PF-5987 son Farmoni asosida texnikumning faoliyati takomillashtirilgan.

Qashqadaryo viloyati yuridik texnikumida 2023/2024-oʻquv yilidan 2 ta Mutaxassislik fanlari va Umumtaʼlim fanlari kafedralari faoliyati yoʻlga qoʻyilgan.

Qashqadaryo viloyati yuridik texnikumining ilmiy salohiyati

• Bugungi kunda texnikumda 20 nafar boshqaruv va texnik xodimlar, 13 nafar oliy maʼlumotli oʻqituvchilar, 7 nafar soatbay o‘qituvchilar faoliyat olib bormoqda.  Bulardan 16 nafari ayollarni tashkil etadi.

Bugungi kunda texnikumda quyidagi yoʻnalishlarida mutaxassislar tayyorlanmoqda:

• Davlat-huquqiy faoliyat
• Yuridik xizmat
• Sud huquqiy faoliyati

Hozirda texnikumda  jami  380 nafar ( shundan qizlar 207 nafar) oʻquvchi,  jumladan 197nafar (103 nafar qizlar) 1-bosqichda,  2-bosqichda 183 nafar (104 nafar qizlar) kunduzgi va sirtqi taʼlim shaklida,  jumladan    jami oʻquvchilardan  329  nafari toʻlov-kontrakt, 50 nafari davlat-granti asosida tahsil olib kelmoqda.(26.12.2023 yil holatiga ko‘ra).

Oʻzbekiston Respublikasi Prezidentining 2020 yil 29 apreldagi “Oʻzbekiston Respublikasida yuridik taʼlim va fanni tubdan takomillashtirish boʻyicha qoʻshimcha chora-tadbirlar toʻgʻrisida”gi PF-5987 son Farmoniga  muvofiq oʻquv jarayoni va huquqni qoʻllash amaliyoti oʻrtasida uzviy aloqani qoʻllash, zamonaviy talablar, ilgʻor xalqaro yuridik tajriba va mehnat bozori ehtiyojlari asosida yuqori malakali, ijodiy fikrlaydigan kadrlarni tayyorlashda Prokuratura, MIB, IIB, Viloyat adliya  boshqarmasi, Sud organlari va boshqa tashkilotlar bilan oʻzaro hamkorlik memorandumlari tuzilgan.

• Shunga koʻra, oʻquvchilarning mazkur tashkilotlarda stajirovka va amaliyot oʻtashlari yoʻlga qoʻyilgan.
• Sud organlari tomonidan texnikumda oʻquvchilar ishtirokida doimiy ravishda sayyor sud majlislari oʻtkaziladi.

Hozirgi kunga (2023-yil holatiga ko‘ra) texnikum oʻqituvchilarining 61 ta Ilmiy maqolalar, 5 ta O‘quv qo‘llanma (TDYU muhokamasiga taqdim etilgan), mahalliy nashrlarda 63 ta, 62 ta Ochiq darslar, 10 ta Xorijiy OTMlar bilan dars-seminarlar, 6 ta Sayyor sudlar, 128 ta Maʼnaviy-maʼrifiy tadbirlar, 48 ta Sud va Huquqni muhofaza qiluvchi organlarga tashrif, 2 ta Ilmiy-amaliy konferensiyalar, 24 ta Kouching_mahorat darslari, 15 ta Metodik seminar-treninglar, 12 ta Televideniyada chiqishlar, 18 ta Radioda chiqishlar, 23 ta Gazeta, jurnallarda publisistik maqollar, 122 ta Veb sayt va ijtimoiy tarmoqlarda yoritish ishlari amalga oshirildi.

Bitiruvchilar (2022/2023 o‘quv yili) 3 nafar O‘zbekiston Respublikasi Vazirlar mahkamasining 705-sonli qaroriga muvofiq, 6 nafar O‘zbekiston Respublikasi Vazirlar mahkamasining 17-sonli qaroriga muvofiq, 5 nafar Qo‘shma ta’lim dasturi bo‘yicha hamda 28 nafar Boshqa OTMlarga ta’lim olishmoqda. Shunigdek 106 nafar bitiruvchilar ish bilan ta’minlangan!